Рызо Кацярына Валер'еўна
загадчык аддзелам абслугоўвання і інфармацыі Віцебскай раённай цэнтралізаванай бібліятэчнай сістэмы.

Абанемент абслугоўвае дзяцей і дарослых. Тут ажыццяўляецца запіс і перарэгістрацыя чытачоў, выдача літаратуры на дом. Да паслуг карыстальнікаў - багаты фонд галіновай, вучэбнай, даведачнай і мастацкай літаратуры на любы густ (дэтэктывы, фантастыка, жаночы раман, фэнтэзі і інш)  Маецца багаты выбар перыядычных выданняў.

Цэнтральная раённая бібліятэка раскрывае свае фонды праз сістэму каталогаў і картатэк:

♦ чытацкі алфавітны каталог;

♦ чытацкі сістэматычны каталог;

♦ сістэматычная картатэка артыкулаў;

♦ краязнаўчая картатэка «Віцебскі раён»;

♦ электронны каталог.

           Фонд дзіцячай літаратуры раскрыты праз сістэматычны каталог для 4-9 класаў.

         Вы маеце магчымасць удакладніць наяўнасць неабходнага Вам выдання ў фондзе цэнтральнай раённай бібліятэкі па тэлефоне: 8 (0212) 69 - 70 - 68

Як стаць чытачом бібліятэкі:

♦ Вы абавязаны прад'явіць пашпарт. Дзеці да 16 гадоў запісваюцца ў бібліятэку па прад'яўленні пашпарта бацькоў або апекуноў;

♦ З 1 студзеня кожнага года Вы абавязаны прайсці перарэгістрацыю ў бібліятэцы;

♦ Вы нясёце матэрыяльную адказнасць за атрыманыя выданні. У выпадку страты або пашкоджання дакументаў чытач абавязаны замяніць іх на раўнацэнныя або кампенсаваць страту ў 10-кратным памеры ад кошту выдання на момант замены;

♦ Калі вы часова пражываеце ў нашым горадзе (раёне), то пры наяўнасці пашпарта (або пасведчання аб нараджэнні) можаце карыстацца паслугамі ў памяшкані бібліятэкі;

♦ Інваліды і ўдзельнікі Вялікай Айчыннай вайны абслугоўваюцца ў першую чаргу і маюць ільготы пры абслугоўванні на камерцыйным абанеменце.

Бібліёбус (перасоўная бібліятэка)

выкарыстоўваецца для абслугоўвання жыхароў аддаленых населеных пунктаў. Выязджае 2-3 разы на тыдзень па розных накірунках. Распрацавана 13 маршрутаў, куды ўвайшлі 27 вёсак, дзе няма стацыянарных бібліятэк. Графікі выездаў складаюцца штомесяц.